Tuesday, April 3, 2012

إضافة الزوجة بعد الحصول على الفيزا وقبل السفر (الجزء الأول: السفارة الكندية في مصر)

بعد حصولي على ال CSQ والتقديم للفيدرال، وأيضا الحصول على الفيزا، صادف أن جاء موعد زواجي وكان الشهر التالي لحصولي على الفيزا، ولم أكن اتوقع أن مسألة إضافة زوجتي ستكون بهذه الصعوبة
فبعد زواجنا بحوالي شهرين أبلغت السفارة بأنني تزوجت فطلبوا مني إحضار الآتي:
- جواز سفري اللي عليه التأشيرة
- استمارة ال CPR الكربونية
- مصاريف التقديم لزوجتي
- استمارة التقديم
- شهادة ميلاد زوجتي مترجمة من وزارة الصحة
- الفيش الخاص بزوجتي مترجم من وزارة العدل
- شهادة زواجنا مترجمة من وزارة العدل
- شهادة الجامعة الخاصة بزوجتي
و .....
شهادة إختيارها من مقاطعة كيبيك
أي ...
الـــــــــ  CSQ ......... ممممممممم

والمفاجأة الأكبر
أن كل ده بحد أقصى شهر من تاريخ مخاطبتي لهم وإلا سيلغوا ملفي كله
غريبة مش كدة؟؟؟
يعني أنا اللي بسأل وباستفسر
بقيت مهدد فجأة بإلغاء ملفي
وأمتى؟؟؟؟؟
بعد ما وصلت لآخر الطريق وأخذت الفيزا

ومش بس كدة دول عاوزين الفيزا كمان
يا فرحتي ...

طبعا كنت باسابق الريح عشان أخلص كل الورق ده في أقل من شهر
دعك من أن الجامعة بتأخذ اسبوعين عشان تطلع الشهادة ده غير أن شهادة الجواز بتتأخر ومحتاجة زن عشان تطلع على طول
المهم بعت كل الورق اللي قدرت عليه
ماعدا
الـ CSQ بتاع مراتي عشان مش معايا طبعا
وقلتلهم استحملوني لغاية ما أقدر اجيبوا
وردوا عليا بإنهم موافقين يستنوا لحد ما أعرف أجيبه
والحمد لله بعت كل حاجة ما عدا السي اس كيو في اسبوعين بس
ثم تنفست الصعداء قليلا ....

الحلقة الجاية:


- خطأ من السفارة اتحمل أنا مسؤليته
http://cairo-quebec.blogspot.com/2012/04/blog-post_03.html

- رحلة الحصول على سي إس كيو زوجتي ... والذكاء الكندي
http://cairo-quebec.blogspot.com/2012/04/blog-post_1387.html

No comments:

Post a Comment