معاك السي اس كيو والفيزا ولسة ماسفرتش واتجوزت

ده موضوع مفصل لحاله نادرة شوية:

لو أنت عملت الإنترفيو خلاص ونجحت فيه الحمد لله وأخدت ال CSQ وقدمت ورقك للفيدرال وجالك الميديكال وعملته وبعدين جاتلك الفيزا كمان بس بدل ما تسافر
اتجوزت
الف مبروك
دلوقتي اعمل الآتي بالخطوات التالية عشان ما تتلخبطش

الخطوة الأولى: السفارة

1- جهز ورق مراتك  (شهادة ميلادها مترجمة من وزارة الصحة - شهادة الجامعة - صورة الباسبور - الفيش مترجم من وزارة العدل - استمارة التقديم) و عقد الزواج مترجم من وزارة العدل

2- ابعت للسفارة قلهم انك اتجوزت (ما تنساش لما تبعت لهم تكتب بياناتك والفايل نمبر بتاعك)

3- ادفع الفلوس في البنك بالجدول اللي هايبعتوهولك لما يردوا عليك انك تبعت ورق مراتك

4- حط الوصل الاصفر اللي هاتخده من سيتي بنك و 3 نسخ منه

5- حط باسبورك وال CPR الورقة الكربونية (ماتنساش تصور الفيزا) والورقة الكاربونية

6- صورة الإيميل (برنت أوت) اللي هايقوقولك فيه انك تبعت الكلام ده كله في أقل من شهر

7- رسالة تشرح فيها ان السي اس كيو بتاع مراتك هاتبعته اول ما يجيلك

حط كله في ظرف والزق عليه الاستيكر بتاع الباركود بتاعك وحطهم في الصندوق اللي في السفارة


الخطوة التانية: ارسل ورق مراتك لكيبيك 

 
1- استمارة تقديم لمراتك بتاعت كيبيك
2- ادفع مصاريف كيبيك
3- ارسل شهادة تخرج مراتك وبيان الدرجات وشهادة ميلادها وشهادة جوازكم واي شهادات خبرة عندها وصورة جواز سفرها
4- السي اس كيو بتاعك
5- صورة الفيزا اللي اخدتها
6- جواب تشرح فيه ان السفارة محتاجة سي اس كيو جديد ومتعدل بالحالة الاجتماعية وترفق الإيميل بتاع السفارة اللي هايبقى مكتوب فيه انك تبعت السي اس كيو بتاع مراتك

ابعت كل ده لمونتريال


استنى السي اس كيو بتاعك وبتاعها

ابعتهم في ظرف وعليه الباركود للسفارة


وبالتوفيق